გარანტია
საგარანტიო პირობები
- გარანტია გულისხმობს საქართველოს კანონით ,,მომხმარებლის უფლებების დაცვის შესახებ“ გათვალისწინებულ და მაღაზია "აიმობაილის" ("ი/მ ირაკლი ნონიკაშვილი" და "ი/მ ცისმარი ჩქარეული") მიერ გაზიარებულ პირობას, უზრუნველყოს ჩვეული გამოყენებისთვის ვარგისი, ნივთობრივად უნაკლო საქონლის მიწოდება, ქარხნული წუნის გარეშე. აღნიშნული გულისხმობს ქარხნული წუნის მქონე მოწყობილობის უსასყიდლო შეკეთებას ან შეცვლას - სრული გარანტიის პერიოდში - 2 (ორი) წელი, რაც მოიცავს მოვაჭრის მიერ ყველა ხარჯის (მათ შორის, ფოსტის, სამუშაო ძალისა და მასალების ხარჯების) გაწევას, რომლებიც საჭიროა საქონლის ამ ხელშეკრულებით გათვალისწინებულ პირობებთან შესაბამისობის უზრუნველსაყოფად;
- გარანტია ვრცელდება ნივთის მხოლოდ იმ ნაკლზე, რომელიც განპირობებულია ქარხნული წუნით;
- თუ ნივთის შემოწმებისას დადგინდა, რომ ნივთს ნაკლი არ გააჩნია ან/და იგი არ ექვემდებარება საგარანტიო მომსახურებას, მოვაჭრეს არ ეკისრება არანაირი ხარჯი (მათ შორის ტრანსპორტირების) და ყველა დამატებით ხარჯს (ტრანსპორტირების და სხვა) გადაიხდის მომხმარებელი;
- თუ საქონლის ნაკლი უმნიშვნელოა ან იგი გამოვლინდა/მოვაჭრისთვის გახდა ცნობილი საგარანტიო პირობებით დადგენილი ვადის შემდეგ მომხმარებელს არ აქვს უფლება უარი თქვას ხელშეკრულებაზე.
ვადები:
- მომხმარებლის მიერ ნივთის შეძენიდან 7 (შვიდი) დღის ვადაში აღმოჩენილი ქარხნული წუნის შემთხვევაში, ნივთი იცვლება ახლით. ნივთის ქარხნული წუნი უნდა დადასტურდეს შესაბამისი ნივთისდიაგნოსტირების შედეგად ნივთი შეცვლას ექვემდებარება, შეცვლის წინაპირობების დადასტურებისას, დიაგნოსტირების შემდგომ 15 სამუშაო დღის ვადაში.
- მომხმარებლის მიერ ნივთის შეძენიდან 1 (ერთი) თვის ვადაში აღმოჩენილი ქარხნული წუნის შემთხვევაში, ხდება ნივთის შეკეთება გონივრულ ვადაში, დიაგნოსტირების შემდეგ არაუმეტეს 30 (ოცდაათი) კალენდარული დღისა.
მტკიცების ტვირთი:
- კონკრეტული ნივთის ქარხნული მაქსიმალური გარანტიის პირობებში, თუ მომხმარებელმა ნივთის ნაკლი, მისი მფლობელობაში მიღებიდან 6 (ექვსი) თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას, თუ საქონლის ბუნებიდან ან ნაკლის ხასიათიდან გამომდინარე ეს შესაძლებელია. ამ შემთხვევაში მტკიცების ტვირთი ეკისრება მოვაჭრეს.
- თუ მომხმარებელმა საქონლის ნაკლი საქონლის მფლობელობაში მიღებიდან 6 (ექვსი) თვის შემდეგ აღმოაჩინა, მტკიცების ტვირთი, რომ ნაკლი არსებობდა საქონლის მიწოდებისას, მომხმარებელს ეკისრება.
- თუ ნივთის შემოწმებისას აღმოჩნდა, რომ ნივთს ნაკლი არ გააჩნია ან/და იგი არ ექვემდებარება საგარანტიო მომსახურებას, კომპანიას არ ეკისრება არანაირი ხარჯი (მათ შორის ტრანსპორტირების) და ყველა დამატებით ხარჯს (ტრანსპორტირების და სხვა) გადაიხდის მომხმარებელი.
გარანტია არ ვრცელდება:
- თუ დაზიანება გამოწვეულია მომხმარებლის ბრალეულობით: ტექნიკაზე სითხის, ორთქლის, ქიმიური ნაერთების ან სხვა სახის უცხო სხეულების მოხვედრის, ასევე პროგრამული უზრუნველყოფის არასწორად გამოყენების შემთხვევაში;
- ტექნიკაზე, რომელიც ფიზიკურად არის დაზიანებული: გაკაწრული, გაბზარული, ჩაჭყლეტილი, დამწვარი, დამდნარი, დეფორმირებული, გატეხილი, არსებობს სითხით გამოწვეულ დაზიანება, მათ შორის იმ შემთვევაში თუ მოდელის სპეციფიკაციაში მითითებულია დაზიანების საწიინააღმდეგო ფუნქციის არსებობა.
- თუ დარღვეულია ექსპლუატაციის ან საგარანტიო პირობები, არ იკითხება IMEI ან სერიული ნომერი და ვერ ხდება იდენტიფიცირება;
- ტექნიკაზე, რომელზეც ახსნილია ქარხნულად არსებული პლომბი, გახსნილია ან შეკეთებულია თვითნებურად, სხვა სერვისცენტრის მიერ, ან შეინიშნება გარეგნული/შიდა დაზიანება რემონტის თუ სხვა სახის ჩარევის გამო;
- თუ დაზიანება გამოწვეულია მაღალი ძაბვით/ელექტრო ენერგიის ჭარბი მიწოდებით;
- ტექნიკაზე სითხის მოხვედრის შედეგად მიყენებულ დაზიანებაზე, მათ შორის იმ შემთხვევაში თუ მოდელის სპეციფიკაში მითითებულია დაზიანების საწინააღმდეგო ფუნქციის არსებობა (ტექნიკის შხეფგამძლეობა);
გარანტია უქმდება თუ:
- გასულია საგარანტიო ვადა;
- მოწყობილობას აღენიშნება ვიზუალური ან მექანიკური დაზიანება/დეფექტი;
- მოწყობილობა გამოიყენებოდა მისი დანიშნულების შეუსაბამო მიზნ(ებ)ით;
- დარღვეულია მწარმოებლის მიერ მოწყობილობაზე თანდართული შენახვისა და მოხმარების წესი;
- დაზიანება გამოწვეულია ელ.ქსელის გაუმართაობით (ძაბვის ცვლილება მეტია ან ნაკლებია 220-230 ვოლტზე), მექანიზმის დანესტიანებით, კოროზიით, მაღალი ან დაბალი ტემპერატურის ზემოქმედებით, ექსპლუატაციის და შენახვის წესების / პირობების დარღვევით)
უკან დასაბრუნებელი პროდუქტის მდგომარეობა:
- უკან დაბრუნების მოთხოვნის წარმოდგენისას ნივთს უნდა ჰქონდეს შენარჩუნებული პირვანდელი სახე და უნდა იყოს იმ მდგომარეობაში, რა მდგომარეობაშიც განხორციელდა მისი შეძენა;
- ნივთი არ უნდა იყოს შეცვლილი ან/და დაზიანებული;
- ნივთის დაბრუნების დროს პროდუქტს უნდა ახლდეს შეძენის დროს გადაცემული ყველა მაკომპლექტებელი აქსესუარი, მათ შორის ყუთიც და დოკუმენტი (თანხის გადახდის დამადასტურებელი დოკუმენტი, საგარანტიო ფურცელი (ასეთის არსებობის შემთხვევაში) და სხვ.).
- კომპანიის წარმომადგენელი პირი, რომელიც ახორციელებს ვიზუალურ დათვალიერებას, უფლებამოსილია უარი თქვას ნივთის დაბრუნებაზე, თუ გამოიკვეთება ზემოხსნებულთან შეუსაბამობა;
წუნდებული ნივთის ახლით შეიცვლა:
- ნივთის შეცვლა ხდება იგივე ან მეტი (განსხვავების დაფარვით) ღირებულების შეცვლის მომენტში გაყიდვაში არსებული ნივთით.
- შეცვლისას ნივთის ღირებულება განისაზღვრება მისი შეძენისას გადახდილი ფასიდან, გაცვლისას მისი ფასიდან (იმ შემთხვევაში როცა გაყიდვაში არ არის იგივე ნივთი) უმცირესით.
წუნდებული ნივთის ახლით შეცვლით საფუძვლები:
- ნივთს ყიდვის მომენტში ადგილზე გადამოწმებისას, ნივთს დაუფიქსირდა ვიზუალური/ფიზიკური დეფექტი ან აქვს ფუნქციური ხარვეზები.
- მომხმარებელმა ნივთის შეძენიდან 7 დღის ვადაში აღმოაჩინა ნივთის ქარხნული წუნი (დადგენილი დიაგნოსტირების შედეგად).
- ასეთ დროს მყიდველმა დაზიანებული ნივთი აღნიშნულ ვადაში უნდა წარადგინოს მაღაზია "აიმობაილის" ( "ი/მ ირაკლი ნონიკაშვილი" და "ი/მ ცისმარი ჩქარეული") სერვისცენტრში.
- თუ სერვისცენტრი დასკვნით დაადასტურებს ქარხნულ დეფექტს, ნივთი შეიცვლება კომპანიის მიერ დადგენილი წესით
პროდუქტი წარმოდგენილი უნდა იყოს დადგენილ ვადაში, სრული კომპლექტაციითა და დაუზიანებელი ყუთით;
- თუ ნივთი ვერ შეკეთდა სერვისცენტრში მიტანიდან 30 (ოცდაათი) კალენდარული დღის განმავლობაში, ნივთი შეიცვლება კომპანიის მიერ დადგენილი წესით, სერვისცენტრის მიერ გაცემული შესაბამისი ტექნიკური დასკვნის საფუძველზე;
ხელშეკრულებაზე უარის თქმის საფუძვლები:
- მომხმარებელს უფლება აქვს ყოველგვარი საფუძვლის მითითების გარეშე უარი თქვას ხელშეკრულებაზე 3 დღის ვადაში. ეს ვადა აითვლება მომხმარებლის ანდა მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან.
ხელშეკრულებაზე უარის თქმის შედეგები:
- მომხარებლის მიერ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
- ხელშეკრულებაზე უარის თქმის შემთხვევაში, მაღაზია "აიმობაილი" ("ი/მ ირაკლი ნონიკაშვილი" და "ი/მ ცისმარი ჩქარეული") მომხმარებელს დაუბრუნებს მის მიერ გადახდილ თანხას ხელშეკრულებაზე უარის თქმის შესახებ შეტყობინების მიღებიდან 2 კვირის ვადაში.
- მომხმარებელს თანხა აუნაზღაურდება გადახდის იმავე საშუალებებით, რომლებიც მომხმარებელმა გამოიყენა (გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს და მას დამატებითი ხარჯი არ წარმოეშობა).
- ნასყიდობის ხელშეკრულებაზე უარის თქმის შემთხვევაში მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება, გარდა იმ შემთხვევისა, როდესაც მოვაჭრემ თავად იკისრა საქონლის უკან წაღება.
- სარეწის გარეთ დადებული ხელშეკრულების შემთხვევაში, როდესაც საქონელი მომხმარებელს სახლში მიეწოდება, მოვაჭრე ვალდებულია საქონელი საკუთარი ხარჯით წაიღოს უკან.
საქონლის შემთხვევით დაღუპვის ან გაფუჭების რისკი:
- გაყიდული საქონლის მომხმარებლისთვის გადაცემისას მასზე გადადის საქონლის შემთხვევით დაღუპვის ან გაფუჭების რისკი, თუ მხარეები სხვა რამეზე არ შეთანხმდებიან.
- თუ ხელშეკრულებით გათვალისწინებულია საქონლის მომხმარებლისთვის გაგზავნა, იმ მომენტიდან, როდესაც მომხმარებელი ან მის მიერ უფლებამოსილი მესამე პირი (გარდა გადამზიდავისა) საქონელზე ფაქტობრივ მფლობელობას მოიპოვებს, საქონლის შემთხვევით დაღუპვის ან გაფუჭების რისკი მომხმარებელზე გადადის.
- თუ გაყიდულ საქონელს მომხმარებლის დავალებით გადამზიდავი აგზავნის, საქონლის გადამზიდავისთვის მიწოდების მომენტიდან საქონლის შემთხვევით დაღუპვის ან გაფუჭების რისკი მომხმარებელზე გადადის.
-
ხელშეკრულების სტანდარტული პირობების ნამდვილობა:
- ხელშეკრულების სტანდარტული პირობა არის მოვაჭრის მიერ მომხმარებლისთვის დადგენილი, წინასწარ ჩამოყალიბებული, მრავალჯერადი გამოყენებისთვის გამიზნული პირობა, რომლის გაცნობის შესაძლებლობა მომხმარებელს ჰქონდა.
-
პასუხისმგებლობისგან გათავისუფლების საფუძვლები:
- ნასყიდობის ხელშეკრულების თითოეული მხარე თავისუფლდება ხელშეკრულების პირობების დარღვევიდან ან/და შეუსრულებლობიდან გამომდინარე პასუხისმგებლობისგან, თუ ხელშეკრულების პირობების დარღვევა ან/და შეურულებლობა გამოწვეულია დაუძლეველი ძალის (ფორს-მაჟორის) შედეგად.
- ფორს-მაჟორი გულისხმობს შემდეგი გარემოებების არსებობას:
- ხანძარი და აფეთქება, სტიქიური უბედურება;
- სამხედრო მოქმედებები, აჯანყებები, არეულობები და ომი;
- ნებისმიერი სხვა გარემოება რაც არ ექვემდებარება მხარეთა კონტროლს (მათ შორის, დენის ძაბვის ცვლილება, ქსელური ავარია ა.შ).
- აღნიშნული გარემოებები მხოლოდ მაშინ მიიჩნევა ფორს-მაჟორულ გარემოებად, თუ ისინი პირდაპირ გავლენას ახდენს ნაკისრი ვალდებულების შესრულებაზე.
-
მომხმარებელთა საყურადღებოდ!
- მომხმარებლის მიერ გათვალისწინებულ უნდა იქნას, რომ ნივთის გადმოცემასთან ერთად მათზე გადადის მისი შემთხვევით დაღუპვის (განადგურების), გაფუჭების ან დაზიანების რისკი იმ შემთხვევაშიც თუ მას მომხმარებლის დავალებით გადამზიდავი აგზავნის. ხსენებული რისკები მომხმარებელზე გადავა ნივთის გადამზიდავისთვის მიწოდების მომენტიდან.
- მომხმარებელმა უნდა დაიცვას ნივთის მწარმოებლის მიერ შემუშავებული ექსპლუატაციის წესები თანდართული ინსტრუქციის შესაბამისად სხვა შემთხვევაში კომპანიას საგარანტიო ვალდებულებები არ გააჩნია.
- საგარანტიო პირობები და წესები შედგენილია საქართველოს სამოქალაქო კოდექსის, „მომხმარებლის უფლებებისდაცვის შესახებ“ საქართველოს კანონის მოთხოვნათა სრული დაცვით და არ ზღუდავს აღნიშნული კანონმდებლობით გარანტირებულ მომხმარებლის არცერთ უფლებას;
-
საგარანტიო მომსახურების მისაღებად მიმართეთ მაღაზია "აიმობაილის" ფილიალებს:
-
თბილისი, დ.ყიფიანის #4 (ორშაბათი-კვირა : 11:00-21:00)
თბილისი, ბახტრიონის #11ა (ორშაბათი-კვირა : 11:00-21:00)
მომსახურებასთან დაკავშირებული კითხვების ან პრობლემების შემთხვევაში მოგვმართეთ
ტელ: 0322 50 22 12
ელ ფოსტა: 2sale.mobile@gmail.com